Plantun de Prouvènço

Pèr coumpara dos planto d'encò nostre

Vitis riparia x Vitis rupestris & Narcissus pseudonarcissus

Lambrusco(-bastardo)

Vitis riparia x Vitis rupestris

Vitaceae

Àutri noum : Trihiero, Vedigagno, Vigno.

Nom en français : Vigne hybride.

Descripcioun :
Aquesto lambrusco, de tèms counfoundudo emé Vitis riparia, se vèi proun en ribo d'aigo, dins li ripisilvo, ounte escalanto d'en pertout. Se recounèis à si fueio quàsi sènso péu dessouto (aleva contro li bifurcacioun di costo) e qu'an tres dènt quàsi paralèlo emé un "sinus" de pecou mens prefouns que la vertadiero Vitis riparia que sèmblo gaire se naturalisa. Es uno bastardo naturalo nascudo en Franço emé de vigno vengudo d'Americo pèr lucha contro lou filóussera. Sarié degudo à la poulinisacioun de V. riparia, "Gloire de Montpellier" pèr V. riparia " dóu Lot".

Usanço :
Coume pèr lis àutri lambrusco, li fueio dèvon èstre vertuouso pèr la circulacioun dóu sang (cambo lourdo e moureno), soun peréu astringènto e diuretico.

Port : Liano
Taio : 0,5 à 4 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Vitis
Famiho : Vitaceae

Ordre : Vitales

Coulour de la flour : Verdo
Petalo : 8
Ø (o loungour) flour : 4 à 5 mm
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun
Mai à juliet

Liò : Ribiero - Ermas - Ripisilvo
Estànci : Termoumediterran à Coulinen
Couroulougi : Éuroupenco-Sud
Ref. sc. : Vitis riparia x Vitis rupestris Tison, 2014

Jounquiho

Narcissus pseudonarcissus

Amaryllidaceae

Àutri noum : Mau-de-tèsto, Pisso-au-lié.

Noms en français : Jonquille, Narcisse jaune.

Descripcioun :
De la vèire flouris d'en pertout dins li jardin à la debuto de la primo, oublidan que la jounquiho es uno planto fèro que trachis peréu en Prouvènço emai siegue raro, subretout au couchant. Ei bèn pu grando que la jounquiho-de-Requien, aquelo d'aqui mai coumuno e que vèn bèn dins la garrigo. La subsp. en fotò èi pseudonarcissus.

Usanço :
Touto la planto es empouisounanto e majamen la cabosso ounte s'atrobo forço acalouïde di proun dangerous. Soun couneigudo desempièi li mège grè pèr èstre de bon boumitòri e douna uno espetaclouso fouiro. Mefisas-vous n'en.

Port : Erbo
Taio : 10 à 40 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Narcissus
Famiho : Amaryllidaceae

Coulour de la flour : Jauno
Petalo : 6
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Pinedo - Tepiero seco - Escoumbre e proche dis oustau
Estànci : Mesoumediterran à Subaupen
Couroulougi : Pancaro entresigna
Ref. sc. : Narcissus pseudonarcissus L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

ges

Vitis riparia x Vitis rupestris & Narcissus pseudonarcissus

ges

Coumpara Lambrusco(-bastardo) emé uno autro planto

Coumpara Jounquiho emé uno autro planto